ପରଦାକୁ ପୁଣି ଫେରିଲେ ସ୍ମୃତି ଇରାନୀ, ପୁଣି ଫେରିଲା ସେହି ଲୋକ ପସନ୍ଦ ଧାରବାହିକ କ୍ୟୋ କି ଶାଶ ଭି କଭି ବୋହୂ ଥି । ଷ୍ଟାର ପ୍ଲସରେ ଆସୁଛି ଏହି ସିରିଅଲର ଦ୍ବିତୀୟ ଭାଗ ବା କ୍ୟୋ କି ଶାଶ ଭି କଭି ବୋହୂ ଥି ପାର୍ଟ ଟୁ । ବଡ଼ କଥା ହେଉଛି ଏହାର ଫାଷ୍ଟ ଟିଜର ସାମ୍ନାକୁ ଆସିଥିବା ବେଳେ ଏଥିରେ ମଧ୍ୟ ଦେଖାଦେଇଛନ୍ତି ସ୍ମୃତି ଇରାନୀ । ଆଉ ସେ କହିଛନ୍ତି କାରଣ ଆମର ରିସ୍ତା ହେଉଛି 25 ବର୍ଷର । ଆଗକୁ ଯିବା ପୂର୍ବରୁ ଦେଖନ୍ତୁ ସେହି ସିରିଅଲର ଟିଜର
ଟିଭି ଇତିହାସର ସବୁଠାରୁ ହିଟ୍ ଶୋ’ ‘କ୍ୟୋକି ଶାଶ ଭି କଭି ବୋହୁ ଥି 2’ ଦର୍ଶକଙ୍କ ମନୋରଞ୍ଜନ ପାଇଁ ପୁଣିଥରେ ଆସୁଛି । ଅଭିନେତ୍ରୀ ସ୍ମୃତି ଇରାନୀ ମଧ୍ୟ ଦୀର୍ଘ ସମୟ ଧରି ଶୋ’ରୁ ଦୂରେଇ ରହିବା ପରେ ପୁଣି ଥରେ ପ୍ରତ୍ୟାବର୍ତ୍ତନ କରୁଛନ୍ତି । ପ୍ରଶଂସକମାନେ ଏହାର ନୂତନ ସିଜନ୍ ପାଇଁ ବହୁତ ଉତ୍ସାହିତ । ତେବେ ଏହା କେବେ ପ୍ରିମିୟର ହେବ ତାହାର ଡେଟ ସାମ୍ନାକୁ ଆସିଛି । ନିର୍ମାତା ସୋସିଆଲ ମିଡିଆରେ ଏକ ପ୍ରମୋ ସେୟାର କରି ଏହାର ପ୍ରିମିୟର ଡେଟ୍ ଉପରୁ ପରଦା ଉଠାଇଛନ୍ତି ।
‘କ୍ୟୋକି ଶାଶ ଭି କଭି ବହୁ ଥି 2’ର ଟିଜର ସହିତ କ୍ୟାପସନରେ ଲେଖା ଅଛି- ‘ଆପଣ କ’ଣ ଏବେ ବି ବିଶ୍ୱାସ କରିପାରୁନାହାଁନ୍ତି ? 25 ବର୍ଷ ପରେ, ତୁଳସୀ ବିରାନି ନୂଆ କାହାଣୀ ସହ ଫେରି ଆସୁଛନ୍ତି! କ୍ୟୋକି ଶାଶ ଭି କଭି ବହୁ ଥି ପୁଣି ଥରେ ପ୍ରତ୍ୟେକ ଘରେ ସାଥୀ ହେବାକୁ ପ୍ରସ୍ତୁତ । ଆପଣ ମଧ୍ୟ ପ୍ରସ୍ତୁତ କି? 29 ଜୁଲାଇରୁ ରାତି 10:30 ରେ, କେବଳ ଷ୍ଟାର ପ୍ଲସରେ ଏବଂ ଯେକୌଣସି ସମୟରେ JioHotstar ରେ ଏହା ଉପଲବ୍ଧ ହେବ।’
ଭାରତରେ ସବୁଠାରୁ ଲମ୍ବା ସମୟ ଧରି ଚାଲିଥିବା ସିରଏଲଙ୍କ ମଧ୍ୟରୁ ଏହା ଅନ୍ୟତମ। ଏହା 2000 ମସିହାରେରେ ପ୍ରସାରଣ ଆରମ୍ଭ ହୋଇଥିଲା ଏବଂ 2008 ରେ ଶେଷ ହୋଇଥିଲା । ଏହି ସୋ ତୁଲସୀ ନାମକ ଏକ ଆଦର୍ଶ ବୋହୂକୁ ନେଇ ପର୍ୟବଶିତ । ଏହା ଭାରତୀୟ ଟେଲିଭିଜନର ମୋଡ଼ ବଦଳାଇ ଦେଇଥିଲା ଏବଂ ଏହାର କଳାକାରମାନେ ଘରେ ଘରେ ପରିଚିତ ହୋଇଗଲେ । ଆଉ କହିବା ବାହୁଲ୍ୟ ସ୍ମୃତି ଇରାନୀ ସାରା ଦେଶର ପରିଚିତ ନାଁ ହୋଇଥିଲେ। ପରବର୍ତ୍ତୀ ସମୟରେ ସେ ରାଜନୀତିରେ ପ୍ରବେଶ କରିବା ସହିତ କେନ୍ଦ୍ରରେ ମନ୍ତ୍ରୀ ହୋଇଥିଲେ। ଏବେ ସେ ପୁଣି ସେ ସେହି ତୁଳସୀ ରୂପରେ ଦର୍ଶକଙ୍କ ସାମ୍ନାକୁ ଆସୁଛନ୍ତି
ପୁଣି super Hit ହେବ