() ମଡେଲିଙ୍ଗ ଜଗତ ସବୁବେଳେ ଯୁବପୀଢିଙ୍କୁ ଆକର୍ଷିତ କରିଥାଏ । ମଡେଲିଂ ଏବଂ ଗ୍ଲାମର କ୍ଷେତ୍ରରେ ଜଣେ ପରିଚିତ ନାଁ ହୋଇଛନ୍ତି ଅନୁଗୋଳ ଝିଅ ପ୍ରତ୍ୟୁଷା ଅମାନ୍ତ । ମଡେଲିଂ କ୍ଷେତ୍ରରେ ସେ ଏକାଧିକ ଟାଇଟଲ ଜିତି ନିଜ ଅଞ୍ଚଳ ପାଇଁ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି । ଗୋଟିଏ ପରେ ଗୋଟିଏ ସୋପାନ ଚଢି ପ୍ରତ୍ୟୁଷା। ସେ ଜିଲ୍ଲା ସ୍ତରୀୟ ଅନେକ ପ୍ରତିଯୋଗିତାରେ ପୁରସ୍କୃତ ହୋଇଛନ୍ତି। ଏହା ପରେ ୧୦୧୭ରେ ରଜ କୁଇନ ଆୱାର୍ଡ ସେ ଜିତିଥିଲେ, ସେହିପରି ୨୦୧୯ରେ ଷ୍ଟାର 20 ଆୱାର୍ଡ ହାସଲ କରିଥିବା ବେଳେ ମିସ୍ ଭର୍ଚୁଆଲ ଇନ୍କ୍ଲ୍ୟୁଶନ ମଡେଲ-୨୦୨୦ର ମୁକୁଟ ବିଜୟିନୀ ହୋଇଛନ୍ତି । ଅନୁଗୋଳ କଲେଜ ଛକ ସ୍ଥିତ ଅଜିତ କୁମାର ଅମାନ୍ତ ଓ ପ୍ରମୋଦିନୀ ଅମାନ୍ତଙ୍କ ଝିଅ ପ୍ରତ୍ୟୁଷା ଅନୁଗୋଳ ସରକାରୀ ସ୍ବୟଂଶାସିତ ମହାବିଦ୍ୟାଳୟରୁ ଇଂଲିଶ ସମ୍ମାନରେ ସ୍ନାତକ, ଇଗ୍ନୋରୁ ସ୍ନାତକୋତ୍ତର ପରେ ଏକ ଘରୋଇ ଶିକ୍ଷାନୁଷ୍ଠାନରେ ଅଧ୍ୟାପିକା ଭାବେ କାର୍ଯ୍ୟ କରିଛନ୍ତି।
ଛୋଟ ବେଳରୁ ମଡେଲିଂ ପ୍ରତି ତାଙ୍କର ବେଶ ଆଗ୍ରହ ରହିଥିଲା । ଏଥିପାଇଁ ତାଙ୍କୁ ବାପା ମା ପ୍ରୋତ୍ସାହନ ଦେଇଛନ୍ତି। ଆଉ ପାଠପଢାରେ ଆଗକୁ ବଢ଼ିବା ସହିତ ସେ ମଧ୍ୟ ମଡେଲିଂରେ ନିଜର ପରିଚୟ ସୃଷ୍ଟି କରିବାରେ ଲାଗିଲେ । ଜି ସାର୍ଥକର ରଜ କ୍ବିନ ଫାଇଲାନାଲ ରାଉଣ୍ଡରେ ପ୍ରବେଶ କରିବା ଅଞ୍ଚଳ ବାସୀଙ୍କ ପାଇଁ ଏକ ଗୌରବର ବିଷୟ ଥିଲା। ସେହିପରି ନ୍ୟୁଜ ସେଭେନର ୱାଓ କାର୍ଯ୍ୟକ୍ରମର ଫାଇନାଲ ରାଉଣ୍ଡରେ ମଧ୍ୟ ସେ ସ୍ଥାନ ପାଇଥିଲେ। ସାରା ରାଜ୍ୟର ପ୍ରତିଭାଶାଳୀ ମହିଳାମାନଙ୍କ ମଧ୍ୟରେ ତାଙ୍କ ନାଁ ଆସିଥିବା ବେଳେ ସେ ଏହାକୁ ନେଇ ବେଶ୍ ଗୌରବାନ୍ବିତ ହୋଇଥିବା କହିଥିଲେ। ଯଦି ମୁଁ କରିପାରୁଛି ଆପଣମାନେ ମଧ୍ୟ କରିପାରିବେ ଏମିତି କିଛି ସବୁବେଳେ କହିଥାନ୍ତି ପ୍ରତ୍ୟୁଷା।
ଅଧ୍ୟପନା ସହିତ ଆନଙ୍କରିଂ ଓ ମଡେଲିଂରେ ସେ ନିଜର କ୍ୟାରିଅର ଆଗକୁ ନେବାକୁ ଚାହିଁଥିବା ବେଳେ ନିଜର ଛାତ୍ରଛାତ୍ରୀମାନଙ୍କ ପାଇଁ ମଧ୍ୟ ପ୍ରେରଣା ପାଲଟିଛନ୍ତି।
ମଡେଲିଂରୁ ଅଧ୍ୟାପନା ଓ ଆଙ୍କରିଂ-ପ୍ରତ୍ୟୁଷା
