ଆପଣଙ୍କ ମୋବାଇଲ ହିଟ୍ ହେଉଛି କି? ବିନା କାରଣରେ ବ୍ୟବହାର ନ କଲେ ବି ଗରମ ହେଉଛି କି ଆପଣଙ୍କ ମୋବାଇଲ? ମୋବାଇଲ ଅନ କଲାମାତ୍ରେ ଅଜବ ଗଜବ ବ୍ୟବହାର କରୁଛି କି? କଥାବାର୍ତ୍ତା ନକଲେ ବି ବ୍ୟାଟେରି ସରିଯାଉଛି କି ? ବିନା କାରଣରେ ଡେଟା ସରିଯାଉଛି କି, ଆପଣଙ୍କୁ ଅଧିକ ରିଚାର୍ଜ କରିବାକୁ ପଡୁଛି କି ? ତାହେଲେ ସାବଧାନ ହୋଇଯାଆନ୍ତୁ ଆପଣଙ୍କ ଉପରେ କାହାର ନଜର ପଡ଼ିଲାଣି। ଆପଣ ହୁଏତ ଫୋନ ଖରାପ ହେଲାଣି ବୋଲି ଭାବି ଏହାକୁ ନଜରଆନ୍ଦାଜ କରୁଥିବେ କିନ୍ତୁ ଭିତରେ ଭିତରେ ଏହା ଆପଣଙ୍କ ରକ୍ତ ଶୋଷୁଛି। ଆଶ୍ଚର୍ଯ୍ୟ ହେଉଛନ୍ତି ନା । ସତେ ଯେମିତି ମୁଁ କୌଣସି ଡାହାଣୀ କଥା କହୁଛି । ହଁ ସେମିତି କିଛି ଭାବି ନିଅନ୍ତୁ । ଆପଣଙ୍କ ଫୋନରେ କେହି ଗୁଇନ୍ଦାଗିରି ଚଳାଉଛି। ଆପଣ କଣ କରୁଛନ୍ତି କୁଆଡ଼େ ଯାଉଛନ୍ତି, କାହା ସହିତ କଥା ହେଉଛନ୍ତି ଏସବୁ କିଛିର ତଥ୍ୟ ଏହି ଡାହାଣୀ ସଂଗ୍ରହ କରୁଛି। ଅନ୍ୟ କାହାକୁ ଦେଉଛି । ଆପଣ ଗୁଇନ୍ଦା ଜାଲରେ ପଡ଼ି ସାରିଛନ୍ତି ବୋଲି ଭାବି ନିଅନ୍ତୁ।
ସ୍ପାଏୱେର ଏମିତି କିଛି ସଫ୍ଟବେର ଏହା ଗୋପନରେ ଆପଣଙ୍କ ଫୋନରେ ପ୍ରବେଶ କରିଥାଏ। ଏହା ଆପଣଙ୍କ ଫୋନରେ ଲୋଡ ହୋଇଯାଇଥିବ କିନ୍ତୁ ଆପଣ ଜାଣିପାରିବେନି। ଏପରିକି ଅନ୍ୟ ଆପ୍ ଯେମିତି ଦୃଷ୍ଟିକୁ ଆସିଥାଏ ସେମିତି ଏହା ଦେଖାଯିବନି କିନ୍ତୁ ଏହା ଫୋନରେ ଲୋଡ ହୋଇଯିବ। ଅନବରତ ଏହା ଆପଣଙ୍କ ଫୋନରେ ଚାଲୁଥିବ। ଏପରିକି ଫୋନ ଅଫ ଥିବା ଭଳି ଲାଗୁଥିଲେ ଏହି ସ୍ପାଏୱେର ତାର କାମ ଚଳାଉଥିବ। ଏହି ସ୍ପାଏୱେରଗୁ଼ଡିକ ଏମିତି ଭାବେ ତିଆରି ହୋଇଥାନ୍ତି ଯେ ଏମାନଙ୍କୁ ଠାବ କରିବା ଏତେ ସହଜ ନୁହେଁ ଏସବୁକୁ ତିଆରି କରାଯାଇଥାଏ ଯେମିତିକି ଏହା ଥରେ କାହାର ଫୋନରେ ପ୍ରବେଶ କଲେ ଏହାକୁ ଚିହ୍ନଟ କରିବା ମୁସ୍କିଲ ହୋଇପଡ଼ିବ। ଯଦି କେବେ ଆପଣଙ୍କ ଫୋନକୁ କୌଣସି ମେସେଜ ଆସିଥିବ ଏବଂ ଏଥିରେ କିଛି ଅଜଣା ଲିଙ୍କ ଆସିଥିବ, ହୁଏତ ଏହା ଲଟେରି ଟଙ୍କା କିମ୍ବା ପ୍ରାଇଜ ନାଁରେ ଆପଣଙ୍କ ପାଖକୁ ଆସିଥିବ , ଆପଣ ଏହାକୁ କ୍ଲିକ କରିଦେଲେ ଏହାପରେ ସ୍ପାଏୱେର ଆପଣଙ୍କ ଫୋନରେ ଲୋଡ ହୋଇଯାଇଥାଏ। ହୁଏତ କିଛି ସଂସ୍ଥା କିମ୍ବା ବ୍ୟକ୍ତି ଆପଣଙ୍କ ଉପରେ ନଜର ରଖିବା ଲାଗି ଏହି ସ୍ପାଏୱେର ଆପଣଙ୍କ ଫୋନରେ ଛାଡ଼ିଥାଇପାରନ୍ତି
ତେବେ ଆପଣ କେମିତି ଜାଣିବେ ହ୍ୟାକର ଆପଣଙ୍କ ଫୋନକୁ ଟାର୍ଗେଟ କରୁଛନ୍ତି କିଛି ନିମ୍ନଲିଖିତ ଜିନିଷ ଗୁଡ଼ିକ ଉପରେ ନଜର ପକାନ୍ତୁ।
1- ଆପଣଙ୍କ ଫୋନର କାର୍ଯ୍ୟଶୈଳୀରେ ପରିବର୍ତ୍ତନ ଆସିବା, ଫୋନ ସ୍ଲୋ ହୋଇଯିବା, ହ୍ୟାଙ୍ଗ ହେବା ଭଳି ସମସ୍ୟା ଦେଖାଦେବା
2- ଫୋନ ବ୍ୟାଟେରି ଶୀଘ୍ର ସରିବା, ଏସବୁ ସ୍ପାଏୟେର 24 ଘଣ୍ଟା କାମ କରୁଥିବାରୁ ଆପଣଙ୍କ ଫୋନର ବ୍ୟାଟେରି କାମରେ ଲାଗି ରହିଥାଏ ସେଥିପାଇଁ ବ୍ୟାଟେରି ଶୀଘ୍ର ସରିଥାଏ
3- ଫୋନର ଡେଟା ସରିବା। ଅନେକ କୁହନ୍ତି ଯେ ସକାଳୁ ଉଠିବା ବେଳକୁ ଫୋନର ଡେଟା ସରି ଯାଇଛି। ଏହାର ଅର୍ଥ କିଛି ସଫ୍ଟୱେର ଅନବରତ କାମରେ ଲାଗିଥାନ୍ତି। ହୁଏତ ଆପଣଙ୍କ ଫୋନର ଡେଟା ଅନ୍ୟ କାହାକୁ ପଠାଉଥିବ ଅଥବା ଡେଟା ଡାଉନଲୋଡ କରୁଥିବ , ଯେଉଁଥିପାଇଁ ଡେଟା ସରିବ।
4- ଫୋନ ଯଦି ଅଜଣାତରେ ଚାଲିବ ତେବେ ଏହା ହିଟ ହେବ, ଫୋନକୁ ବ୍ୟବହାର ନ କଲେ ବି ଏହା ଗରମ ହେଉଥିଲେ ସନ୍ଦେହ କରନ୍ତୁ।
5- ଆପଣଙ୍କ ମାଇକ ଏବଂ କ୍ୟାମେରାକୁ ଏହି ସ୍ପାଏୱେର ଅନବରତ ବ୍ୟବହାର କରିବେ
ଯଦି ଆପଣ ଏମିତି କିଛି ସମସ୍ୟା ବାରମ୍ବାର ଦେଖନ୍ତି ତେବେ ସତର୍କ ହୋଇଯାଆନ୍ତୁ। ଏଥିସହିତ ନିଜ ଫୋନକୁ ସ୍କାନ କରନ୍ତୁ କେଉଁ କେଉଁ ସଫ୍ଟବେର ବା ଆପ୍ ଲୋଡ ହୋଇଛନ୍ତି ସେମାନଙ୍କୁ ତନଖୀ ନିଅନ୍ତୁ। ସେହିପରି ଫୋନର ଡାଉନଲୋଡ ଫୋଲଡରକୁ ଯାଆନ୍ତୁ ସେଠାରେ କିଛି ଅଜଣା ଫାଇଲ ଥିଲେ ସତର୍କ ହୁଅନ୍ତୁ ସେସବୁକୁ ଡିଲିଟ କରନ୍ତୁ। ବଡ଼କଥା ହେଉଛି ଅଜଣା ଆପ ଗୁଡ଼ିକୁ ଫୋନରେ ସ୍ଥାନ ଦିଅନ୍ତୁ ନାହିଁ। ସୁରକ୍ଷିତ ସ୍ଥାନରୁ ଆପ ଡାଉନଲୋଡ କରନ୍ତୁ। ଲଟେରି କିମ୍ବା ପ୍ରାଇଜ ପ୍ରତି ସତର୍କ ରୁହନ୍ତୁ । ସେହିପରି ଯଦି ସନ୍ଦେହ ବଢିଯାଏ। ତେବେ ଫ୍ୟାକ୍ଟ୍ରି ରିସେଟ ମାରିଦିଅନ୍ତୁ କିମ୍ବା ଫର୍ମାଟ କରିଦିଅନ୍ତୁ। ଯଦି ଆପଣଙ୍କୁ ଏହି ଲେଖାଟି ଠିକ୍ ଲାଗିଲା ତେବେ ନିଶ୍ଚୟ ସେୟାର କରନ୍ତୁ।
ଆପଣଙ୍କ ମୋବାଇଲ ହିଟ୍ ହେଉଛି କି? ସାବଧାନ
