ସଂଜୟ ଦତ୍ତ ଫ୍ୟାନଙ୍କ ପରିବାରକୁ ଫେରାଇ ଦେଲେ 72 କୋଟି ଟଙ୍କାର ସଂପତ୍ତି

ଏବେ ସଞ୍ଜୟ ଦତ୍ତ ସ୍ବୀକାର କଲେ ଏବଂ ମାନିଲେ ଯେ ଜଣେ ମହିଳା ତାଙ୍କୁ ତାଙ୍କର ସମସ୍ତ ସଂପତ୍ତି ଯାହାର ମୂଲ୍ୟ 72 କୋଟି ଟଙ୍କା ହେବ ଦାନ କରିଦେଇଥିଲେ । କିଛି ଦିନ ତଳେ ଏହା ଚର୍ଚ୍ଚାକୁ ଆସିଥିଲା କିନ୍ତୁ ସଞ୍ଜୟ ଦତ୍ତ ଏନେଇ କୌଣସି ସ୍ପଷ୍ଟୀକରଣ ଦେଇନଥିଲେ। ପ୍ରଥମ ଥର ପାଇଁ ଏକ ଇଣ୍ଟରଭ୍ୟୁରେ ଏହା ସ୍ବୀକାର କରିଛନ୍ତି ସଞ୍ଜୟ ଦତ୍ତ। ସଂଜୟଙ୍କର ଜଣେ ଫ୍ୟାନ ନିଶା ପାଟିଲ ଦୁରାରୋଗ୍ୟ ରୋଗରେ ପୀଡ଼ତ ଥିବା ସମୟରେ ସେ ଏମତି କିଛି ୱିଲ କରିଥିଲେ। 2018 ମସିହାରେ ସେ ଲେଖାପଢ଼ା କରାଇଦେଇଥିଲେ ଯେ ତାଙ୍କ ମୃତ୍ୟୁ ପରେ ତାଙ୍କର ସମସ୍ତ ସଂପତ୍ତି ଅଭିନେତା ସଞ୍ଜୟ ଦତ୍ତଙ୍କ ନିକଟକୁ ଯିବ, ଏହି ସଂପତ୍ତିର ମୂଲ୍ୟ 72 କୋଟି ଟଙ୍କା। ଏନେଇ ସେ ତାଙ୍କର ବ୍ୟାଙ୍କକୁ ଏକ ନିର୍ଦ୍ଦେଶନାମା ଜାରି କରିଥିଲେ। ତେବେ କଥା ବ୍ୟାଙ୍କରୁ ପ୍ରଘଟ ହୋଇଯାଇଥିଲା । ଅଭିନେତା ସଂଜୟ ଦତ୍ତଙ୍କର ସେ ଜଣେ ଫ୍ୟାନ ହୋଇଥିବାରୁ ସେ ଏହି ସଂପତ୍ତି ସଂଜୟ ଦତ୍ତଙ୍କୁ ଦେଇଦେବା ଲାଗି ସ୍ଥିର କରିଛନ୍ତି।

କର୍ଲି ଟେଲ୍ସକୁ ଏକ ଇଣ୍ଟରଭ୍ୟୁ ଦେବା ସମୟରେ ଅଭିନେତା ସଂଜୟ ଦତ୍ତ ଏହା ସ୍ବୀକାର କରିଛନ୍ତି ତା ସହିତ ମଧ୍ୟ ସେ ଏହା ଜଣାଇଛନ୍ତି ଯେ ସେ ଏହି ସଂପତ୍ତି ପାଇବାର ଖବର ପାଇବା ପରେ ଅଭିଭୁତ ହୋଇଯାଇଥିଲେ। ଏମିତି କଣ କେହି କାହାକୁ ଭଲ ପାଇପାରେ ବୋଲି ଭାବିଥିଲେ। ତେବେ ଏହି ସଂପତ୍ତିରୁ କାଣିଚାଏ ରଖିବା ପାଇଁ ତାଙ୍କ ମନରେ କେବେବି ଆସିନଥିଲା।ତେଣୁ ସେ ସବୁ କିଛି ମହିଳାଙ୍କ ପରିବାରକୁ ଫେରାଇଦେଇଥିଲେ ବୋଲି କର୍ଲି ଟେଲ୍ସକୁ କହିଛନ୍ତି ଅଭିନେତା ସଞ୍ଜୟ ଦତ୍ତ।

ନିଜ କ୍ୟାରିଅରରେ ଅନେକ କିଛି ସାପ ସିଢ଼ି ଖେଳ ଦେଇ ଯାଇଥିବା ଅଭିନେତା ସଂଜୟ ଦତ୍ତ ନିଜର ବିନଦାସ ଆନ୍ଦାଜ ପାଇଁ ବେଶ୍ ପରିଚିତ। 1981ରେ ରକି ଫିଲ୍ମରୁ ନିଜର କ୍ୟାରିଅର ଆରମ୍ଭ କରିଥିବା ସଂଜୟ ଦତ୍ତ ସାଜନ, ସଡ଼କ, ଖଳନାୟକ ଭଳି ହିଟ୍ ଫିଲ୍ମ ଦେଇଥିଲେ। ଯେତେବେଳେ ନିଜ କ୍ୟାରିଅରର ସେ ପିକରେ ଥିଲେ ଏହି ସମୟରେ ତାଙ୍କ ଜୀବନରେ ଝଡ଼ ଆସିଥିଲା। ତାଙ୍କୁ ଜେଲ ଯିବାକୁ ପଡ଼ିଥିଲା। 5 ବର୍ଷ ଜେଲରେ ରହିବା ପରେ ସେ ଆସିଥିଲେ । ଏଥିସହିତ ପୁଣି ଅଭିନୟ ଦୁନିଆକୁ ପାଦ ଦେଇଥିଲେ। ଭାରତୀୟ ସିନେମାର କିଛି ଶ୍ରେଷ୍ଠ ଫିଲ୍ମ ସେ ଏହି ସମୟରେ ତିଆରି କରିଥିଲେ। ମୁନ୍ନା ଭାଇ ଏମ ବି ବିଏସ ହେଉ କିମ୍ବା ହାଉସଫୁଲ, ଅଗ୍ନିପଥ ଭଳି ଫିଲ୍ମ ତାଙ୍କୁ ଆଉ ଏକ ଶିଖରକୁ ନେଇଛି। ତେବେ ଏତେ ସବୁ ତଳ ଉପର ଖେଳ ଭିତରେ ବି ସଂଜୟ ଦତ୍ତ ନିଜର ମାନବୀୟ ମୂଲ୍ୟବୋଧକୁ ହରାଇନାହାନ୍ତି। ପିତା ସୁନୀଲ ଦତ୍ତ ଏବଂ ମା ନର୍ଗିସଙ୍କ ପାଇଁ ଜଣେ ସେ ଉଚିତ ଦାୟଦ ଭାବେ ପ୍ରମାଣିତ କରିପାରିଛନ୍ତି। ଆପଣଙ୍କୁ ସଂଜୟ ଦତ୍ତଙ୍କ କେଉଁ ଫିଲ୍ମ ସବୁଠାରୁ ଭଲ ଲାଗେ କମେଣ୍ଟ ବକ୍ସରେ ଲେଖନ୍ତୁ।