ନୂଆଦିଲ୍ଲୀ, ୨୬/୧୧ : ୟୁପିର ଗୁଗୁଲ ଗାର୍ଲ୍ ରିୟା। ଗୋଣ୍ଡା କୋଟୱାଲିର ସାଲପୁର ବଜାରର ବାସିନ୍ଦା ରାମଦାନ ତିୱାରୀଙ୍କ ୮ ବର୍ଷର ଝିଅ ରିୟା ଗୁଗୁଲ ଗାର୍ଲ୍ ଭାବରେ ପରିଚିତ। ରିୟା ମହାଦେଶ ଗୁଡିକର ନାମ, ମହାସାଗରର ନାମ, ବିଭିନ୍ନ ଦେଶ, ସେମାନଙ୍କର ରାଜଧାନୀ ଏବଂ ମୁଦ୍ରା, ଭାରତର ରାଜ୍ୟ ତଥା ରାଜଧାନୀକୁ ମନେ ରଖିଛନ୍ତି। ରିୟାଙ୍କର ଭାରତର ସମସ୍ତ ଜିଲ୍ଲା, ଭାରତର ସମସ୍ତ ପ୍ରମୁଖ ବନ୍ଦର, ପ୍ରମୁଖ ଜାତୀୟ ଉଦ୍ୟାନ, ଭାରତରେ ପ୍ରବାହିତ ପ୍ରମୁଖ ନଦୀ, ରାଷ୍ଟ୍ରପତି, ଉପରାଷ୍ଟ୍ରପତିଙ୍କ ନାମ ପିଲାଦିନରୁ ସ୍ମରଣ କରିଛନ୍ତି । ରିୟା ଭାରତର ପଡୋଶୀ ଦେଶ ଏବଂ ସୀମା ରେଖା ବିଷୟରେ ମଧ୍ୟ ସୂଚନା ରଖଛନ୍ତି। ରିୟା ତୁର୍କୀ ରାଜବଂଶ, ଗୁଲାମ ଏବଂ ମୋଗଲ ରାଜବଂଶର ସମସ୍ତ ଶାସକଙ୍କ ନାମ ମଧ୍ୟ ମନେ ରଖିଛନ୍ତି। ସେ ମହେଶ୍ୱର ସୂତ୍ର, ଶିବ ତାଣ୍ଡବ ଏବଂ ଗୀତାର ସମସ୍ତ ପଦଗୁଡ଼ିକୁ ମଧ୍ୟ ସଂସ୍କୃତରେ ମନେ ରଖିଛନ୍ତି। ସେଥିପାଇଁ ବର୍ତ୍ତମାନ ଲୋକମାନେ ତାଙ୍କୁ ଗୁଗୁଲ୍ ଗାର୍ଲ ବୋଲି କହୁଛନ୍ତି।
ଜୋଟିଆ ବେଲହରିରେ ସହକାରୀ ଶିକ୍ଷକ ଭାବରେ ନିୟୋଜିତ ଥିବା ରିୟାଙ୍କ ପିତା ରାମଦାନ ତିୱାରୀ କହିଛନ୍ତି ଯେ ସେ ୨ ବର୍ଷ ବୟସରେ ବହି ପଢିବା ଆରମ୍ଭ କରିଥିଲେ। ରିୟା ଯାହା ବି ପୁସ୍ତକ ଦେଖୁଥିଲେ, ସେ ଏହାକୁ ପୁରା ପଢିବାକୁ ଚେଷ୍ଟା କରୁଥିଲେ। ସେ ତାଙ୍କ କୌତୁହଳ ସହ ପ୍ରଶ୍ନର ଉତ୍ତର ମଧ୍ୟ ଦେଉଥିଲେ। ତୀକ୍ଷ୍ଣ ସ୍ମୃତିଶକ୍ତି ହେତୁ, ସେ ଥରେ ପଢିଥିବା ବିଷୟକୁ ମନେ ରଖିଦିଅନ୍ତି। ରିୟା କବୀର, ତୁଳସୀଦାସ, ସୂର୍ଯ୍ୟକାନ୍ତ ତ୍ରିପାଠୀ ନିରଲା, ସୁରଦାସ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ଜୀବନ ପରିଚୟକୁ ମଧ୍ୟ ମନେ ରଖିଛନ୍ତି। ତୃତୀୟ ଶ୍ରେଣୀରେ ପଢ଼ୁଥିବା ରିୟା ଚଳିତ ବର୍ଷ ଆୟୋଜିତ ଶିକ୍ଷକ ଯୋଗ୍ୟତା ପରୀକ୍ଷାରେ 50% ରୁ ଅଧିକ ପ୍ରଶ୍ନର ସହଜରେ ସମାଧାନ କରିଥିଲେ। ରିୟାଙ୍କ ପ୍ରତିଭା ଦେଖି ଲୋକମାନେ ଆଶ୍ଚର୍ଯ୍ୟ ହୋଇଗଲେ।
