ଭୁବନେଶ୍ବର ଏବଂ ଏହାର ଆଖପାଖ ଅଞ୍ଚଳରେ ଶ୍ରୀଗଣେଶ ପୂଜା କେମିତି ପାଳନ କରାଯ଼ିବ ସେନେଇ ଭୁବନେଶ୍ବର ମୁନିସିପାଲ କର୍ପୋରେସନ BMC ଗାଇଡଲାଇନ୍ ଜାରି କରିଛି । COVID-19 ପ୍ରୋଟୋକଲ ଅନୁସାରେ ଭୁବନେଶ୍ବରବାସୀ ଗଣେଶପୂଜାର ଆୟୋଜନ କରିବେ । ମଣ୍ଡପ ଓ ପେଣ୍ଡାଲରେ ଗଣେଶ ପୂଜା ପରିଚାଳନା ପାଇଁ ଅନୁମତି ମିଳିଛି କିନ୍ତୁ ଏଥିରେ କିଛି ସର୍ତ୍ତ ରଖାଯାଇଛି। ଏହି ସର୍ତ୍ତସବୁ ପାଳନ କରିବା ଲାଗି କଡ଼ା ନିର୍ଦ୍ଦେଶ ମଧ୍ୟ ଦିଆଯାଇଛି।
1 ମଣ୍ଡପରେ ପୂଜା କରିବା ପାଇଁ ଭୁବନେଶ୍ୱର ପୋଲିସ୍ କମିଶନରଙ୍କ ଠାରୁ ଅନୁମତି ନେବାକୁ ପଡିବ
2 ମଣ୍ଡପରେ ସର୍ବସାଧାରଣଙ୍କୁ ଅନୁମତି ଦିଆଯିବ ନାହିଁ
3 ପୂଜା କମିଟି ଓ ଆୟୋଜକ ମାନେ ସାମାଜିକ ଦୂରତା ଭଳି ସମସ୍ତ କଟକଣା ମାନିବେ
4 କେବଳ ରୀତିନୀତି ପାଇଁ ଗଣେଶ ପୂଜା କରାଯିବ
5 ପୂଜା ପାଇଁ ପ୍ରସ୍ତୁତ ମଣ୍ଡପ ବା ପେଣ୍ଡାଲଙ୍କୁ ତିନି ପାର୍ଶ୍ୱରେ ଆବଦ୍ଧ କରାଯ଼ିବ । କେବଳ ଗୋଟିଏ ପାର୍ଶ୍ୱ ହିଁ ଖୋଲା ରହିବ
6 ମୂର୍ତ୍ତି ଆକାର ୪ ଫୁଟରୁ ବେଶୀ ହେବ ନାହିଁ
7 ପୂଜା ସମୟରେ ପେଣ୍ଡାଲକୁ 7 ରୁ ଅଧିକ ବ୍ୟକ୍ତି ରହିପାରିବେ ନାହିଁ
8 ଉପସ୍ଥିତ ସମସ୍ତେ କରୋନା ପ୍ରୋଟୋକଲ ପାଳନ କରିବେ
9 ଆୟୋଜକମାନେ ନିଶ୍ଚିତ କରିବେ ଯେ ପୂଜାପାଠ ପାଳନ ପାଇଁ କେବଳ ଡବଲ ଡୋଜ ଟିକା ଦିଆଯାଇଥିବା ଲୋକଙ୍କୁ ଅନୁମତି ଦିଆଯିବ
10 ମୂର୍ତ୍ତି ବିସର୍ଜନ ବିଏମସି ଦ୍ୱାରା ହେବାକୁ ଥିବା କୃତ୍ରିମ ପୋଖରୀରେ କରାଯିବ
11 ଶିକ୍ଷାନୁଷ୍ଠାନ / କୋଚିଂ ସେଣ୍ଟରରେ ଗଣେଶ ପୂଜା ମଧ୍ୟ ଏହିସବୁ ନିୟମ ପାଳନ କରିବାକୁ ହେବ
12 ସର୍ବାଧିକ ଅଂଶଗ୍ରହଣକାରୀ ସଂଖ୍ୟା ୨୦ ମଧ୍ୟରେ ରହିବ
13 ପୂଜା ବେଳେ ଭୋଜିଭାତ ଆୟୋଜନ କିମ୍ବାପ୍ରସାଦ ସେବନକୁ ଅନୁମତି ଦିଆଯିବ ନାହିଁ
 |
ବିଏମସି ଭଳି ରାଜ୍ୟର ଅନ୍ୟସ୍ଥାନରେ ମଧ୍ୟ ଅନୁରୂପ ନିୟମ ଆସିବାର ସମ୍ଭାବନା ରହିଛି । କରୋନା ନିୟମ ଅନୁସାରେ ରାଜ୍ୟରେ ପୂଜା କରିବା ଲାଗି ପୂର୍ବରୁ ରାଜ୍ୟ ସରକାର ଅଲଗା ପ୍ରୋଟୋକଲ ଜାରି କରିଛନ୍ତି।
