Home Children ରାଜସ୍ଥାନରେ ସାମୂହିକ ଭାବେ ରାଷ୍ଟ୍ରୀୟ ସଙ୍ଗୀତ ଗାନ କରିବେ ଏକ କୋଟି ଛାତ୍ରଛାତ୍ରୀ, ସୃଷ୍ଟି କରିବେ ବିଶ୍ଵ ରେକର୍ଡ

ରାଜସ୍ଥାନରେ ସାମୂହିକ ଭାବେ ରାଷ୍ଟ୍ରୀୟ ସଙ୍ଗୀତ ଗାନ କରିବେ ଏକ କୋଟି ଛାତ୍ରଛାତ୍ରୀ, ସୃଷ୍ଟି କରିବେ ବିଶ୍ଵ ରେକର୍ଡ

0
ରାଜସ୍ଥାନରେ ସାମୂହିକ ଭାବେ ରାଷ୍ଟ୍ରୀୟ ସଙ୍ଗୀତ ଗାନ କରିବେ ଏକ କୋଟି ଛାତ୍ରଛାତ୍ରୀ, ସୃଷ୍ଟି କରିବେ ବିଶ୍ଵ ରେକର୍ଡ

ନୂଆଦିଲ୍ଲୀ, 11/08 : ଦେଶ ପାଳୁଛି ଆଜାଦୀର ଅମୃତ ମହୋତ୍ସବ। ଏହି ଅବସରରେ ଅଗଷ୍ଟ 12 ତାରିଖରେ ରାଜସ୍ଥାନର ସମସ୍ତ ସ୍କୁଲ ଗୁଡ଼ିକରେ ଛାତ୍ରଛାତ୍ରୀମାନେ ସାମୂହିକ ରାଷ୍ଟ୍ରୀୟ ସଙ୍ଗୀତ ଗାନ କରିବେ। ଜୟପୁର ସ୍ଥିତ ସବାଇ ମାନସିଂହ ଷ୍ଟାଡିୟମରେ ସକାଳ 10ଟା 15 ମିନିଟ୍ ରେ ପ୍ରାୟ ଏକ କୋଟି ଛାତ୍ରଛାତ୍ରୀ ଏକା ସାଙ୍ଗରେ ରାଷ୍ଟ୍ରୀୟ ସଙ୍ଗୀତ ଗାନ କରିବେ। ଏହି କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଅଶୋକ ଗେହଲଟ ସାମିଲ ହେବେ। ଏଥିପାଇଁ ସବୁ ଜିଲ୍ଲାପାଳଙ୍କୁ କାର୍ଯ୍ୟକ୍ରମ ସମ୍ଵନ୍ଧିତ ନିର୍ଦ୍ଦେଶ ଦିଆଯାଇଛି। ସମସ୍ତଙ୍କ ମନରେ ଦେଶ ପ୍ରେମ ଭାବନା ଜାଗ୍ରତ କରିବା ଏହି କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ। ତେବେ ଏହି କାର୍ଯ୍ୟକ୍ରମ ବିଶ୍ଵ ରେକର୍ଡ ସୃଷ୍ଟି କରିବ ବୋଲି ସୂଚନା ମିଳିଛି।

ରାଜ୍ୟର ମୁଖ୍ୟ ସଚିବଙ୍କ ସୂଚନା ଅନୁଯାୟୀ, ଯୁବପୀଢିଙ୍କ ମଧ୍ୟରେ ଦେଶଭକ୍ତି ଜାଗ୍ରତ କରିବା ଏବଂ ସ୍ଵାଧୀନତାର ମହତ୍ତ୍ଵ ବୁଝାଇବା ପାଇଁ ଶିକ୍ଷା ବିଭାଗ ପକ୍ଷରୁ ଏଭଳି ପଦକ୍ଷେପ ଗ୍ରହଣ କରାଯାଇଛି। ଏହି କାର୍ଯ୍ୟକ୍ରମକୁ ରାଷ୍ଟ୍ରଭକ୍ତିର ଉତ୍ସବ ଭାବରେ ପାଳନ କରାଯିବ। ତେବେ ଏହି କାର୍ଯ୍ୟକ୍ରମରେ କିଭଳି ଭାବରେ ଅଧିକରୁ ଅଧିକ ଛାତ୍ରଛାତ୍ରୀ ଯୋଗ ଦେବେ ସେଥିପାଇଁ ସମସ୍ତ ପ୍ରକାରର ଚେଷ୍ଟା କରାଯାଉଛି। ଏହି କାର୍ଯ୍ୟକ୍ରମର ସଫଳ ସଞ୍ଚାଳନ ପାଇଁ ରାଜ୍ୟ ସ୍ତରୀୟ ସଞ୍ଚାଳନ ସମିତି ନୋଡାଲ ଅଧିକାରୀମାନଙ୍କୁ ନିୟୋଜିତ କରିଛନ୍ତି।

ବିଦ୍ୟାଳୟ ଶିକ୍ଷା ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପୱନ କୁମାର ଗୋଏଲ କହିଛନ୍ତି ଯେ, ପ୍ରାୟ ଏକ କୋଟି ସ୍କୁଲ ଛାତ୍ରଛାତ୍ରୀ ରାଷ୍ଟ୍ରୀୟ ସଙ୍ଗୀତ ଗାନ କାର୍ଯ୍ୟକ୍ରମରେ ଯୋଗଦେବାକୁ ପ୍ରସ୍ତାବ ଦିଆଯାଇଛି। ଯଦି ଏହା ଘଟେ ତେବେ ବିଶ୍ୱ ରେକର୍ଡ ସୃଷ୍ଟି ହୋଇପାରିବ। ଏହି କାର୍ଯ୍ୟକ୍ରମରେ ଜିଲ୍ଲା ସ୍ତରରେ ଏବଂ ବ୍ଲକ ସ୍ତରରେ ଅଧିକାରୀଙ୍କୁ ନିୟୋଜିତ କରାଯାଇଥିବା ଅଧିକାରୀ ସୂଚନା ଦେଇଛନ୍ତି। ଏଥି ସହିତ, ବ୍ଲକ ସ୍ତରରେ, ଏହି କାର୍ଯ୍ୟକ୍ରମ ଷ୍ଟାଡିୟମ୍, ବିଦ୍ୟାଳୟର କ୍ରୀଡା ପଡ଼ିଆରେ ବ୍ଲକ୍ ସ୍ତରୀୟ ପ୍ରଶାସନ ଦ୍ୱାରା ଆୟୋଜିତ ହେବ।

LEAVE A REPLY

Please enter your comment!
Please enter your name here