କୋଭିଡ ଭୂତାଣୁ ପାଇଁ ମଣିଷ କଲବଲ ହେଉଥିବା ବେଳେ ପଶୁମାନେ ମଧ୍ୟ ଏଥିରୁ ବାଦ ପଡୁନାହାନ୍ତି। ତାମିଲନାଡୁର ବାନ୍ଦାଲୁରର ଆରିଗନାର ଆନ୍ନା ଚିଡ଼ିଆ ଖାନାର 4 ସିଂହ ଡେଲଟା ଭାଇରସ କରୋନାରେ ଆକ୍ରାନ୍ତ ହୋଇଥିବା ଜଣାଯାଇଛି। ଏହି 4 ସିଂହଙ୍କ ଜେନୋମ ସିକ୍ବେନ୍ସିଂ କରାଯ଼ିବା ପରେ ଏହା ସ୍ପଷ୍ଟ ହୋଇଛି ଯେ ଏମାନେ B.1.617.2 ବା ଡେଲଟା ଭାଇରସ ଦ୍ବାରା ସଂକ୍ରମିତ ହୋଇଛନ୍ତି। ଆରିଗନାର ଆନ୍ନା ଚିଡ଼ିଆ ଖାନା ପକ୍ଷରୁ ଏହା ସ୍ପଷ୍ଟ କରାଯାଇଛି ।
ପୂର୍ବରୁ ଏହି ଚିଡ଼ିଆ ଖାନାରେ ଦୁଇ ସିଂହଙ୍କର କରୋନା ଯୋଗୁଁ ମୃତ୍ୟୁ ହୋଇଥିବା ସ୍ପଷ୍ଟ ହୋଇଥିଲା । ପ୍ରଥମେ ଜୁନ୍ 3 ତାରିଖରେ ଏକ 9 ବର୍ଷର ସିଂହୀ ନୀଳାର ମୃତ୍ୟୁ ହୋଇଥିଲା। ଏହା ପରେ 16 ତାରିଖରେ ସେହି ଚିଡ଼ିଆଖାନାରେ 12 ବର୍ଷର ସିଂହ ପତବାନାତନ କରୋନାରେ ପ୍ରାଣ ହରାଇଥିଲା। ଜୁନ୍ 3 ତାରିଖରେ ପତବାନାତନ କରୋନା ପଜିଟିଭ ଜଣା ପଡ଼ିବା ପରେ ତାର ଚିକିତ୍ସାକୁ ତ୍ବରାନ୍ବିତ କରାଯ଼ାଇଥିଲା । ପରେ ପରେ ଚିଡ଼ିଆ ଖାନାରେ ଥିବା ଅନ୍ୟ ସିଂହମାନଙ୍କର ପରୀକ୍ଷା ଉପରେ ଧ୍ୟାନ ଦିଆଯାଇଥିଲା । ତେବେ 16 ତାରିଖରେ ପତବାତନ ସିଂହର ମୃତ୍ୟୁ ହୋଇଥିଲା
#Chennai | A 12-year-old male lion named Pathbanathan in the Lion Safari area of Arignar Anna Zoological Park passed away due to #COVID19 on Wednesday. #VandalurZoo #Lion #coronavirus #TamilNadu #Corona pic.twitter.com/BAWIUB0jBb
— DT Next (@dt_next) June 16, 2021
11ଟି ସିଂହର ସାମ୍ପଲ ନ୍ୟାସନାଲ ଇନଷ୍ଟିଚ୍ୟୁଟ ଅଫ ହାଇ ସିକ୍ୟୁରିଟି ଆନିମାଲ ଡିଜିଜ ନିସାଦକୁ ପଠାଯାଇଥିଲା। ଭୋପାଳର ନିସାଦ ସଂସ୍ଥା ସ୍ପଷ୍ଟ କରିଛି ଯେ ଆସିଥିବା ସାମ୍ପଲ ମଧ୍ୟରୁ 4ଟି ସିଂହଙ୍କଠାରେ ଡେଲଟା ଭ୍ୟାରିଆଣ୍ଟ ଭାଇରସ ରହିଛି।
