ପେଟ୍ରୋଲ ଡିଜେଲ ଦରବୃଦ୍ଧି ସାଧାରଣ ଲୋକଙ୍କ ମେରୁଦଣ୍ଡ ଭାଙ୍ଗି ଦେଲାଣି । ଲୋକେ ସହିପାରୁନାହାନ୍ତି କିନ୍ତୁ ଜରୁରୀ ଥିବାରୁ ଅଧିକ ଦରରେ ତେଲ ପକାଇବାକୁ ବାଧ୍ୟ ହେଉଛନ୍ତି। କିନ୍ତୁ କିଛି ନେତା ପେଟ୍ରୋଲ ଡିଜେଲ ଦର ବୃଦ୍ଧିରେ ଏତେ ଅତିଷ୍ଠ ହୋଇପଡିଲେ ଯେ ଶଗଡ଼ ମେରୁଦଣ୍ଡ ଭାଙ୍ଗିଦେଲେ। କଥାଟା ମହାରାଷ୍ଟ୍ରର । କଂଗ୍ରେସ ନେତାମାନେ ପେଟ୍ରୋଲ ଦରବୃଦ୍ଧି ବିରୋଧରେ ବିକ୍ଷୋଭ ପ୍ରଦର୍ଶନ କରୁଥିଲେ। ମୁମ୍ବାଇରେ କଂଗ୍ରେସ କର୍ମୀ ଓ ନେତାମାନେ ଏକାଠି ହୋଇଥିଲେ। ଏକ ଶଗଡ଼ ଯ଼ୋଗାଡ଼ ହୋଇଥିଲା ବିକ୍ଷୋଭ ପ୍ରଦର୍ଶନରେ ସାମିଲ କରିବା ଲାଗି। ନେତା ଓ କର୍ମୀ ଗୋଟିଏ ଶଗଡ଼ ଉପରେ ସବାର ହେଲେ ଗ୍ୟାସ ସିଲିଣ୍ଡର ଧରି ନାରାବାଜି କଲେ। ଏଣେ ବଳଦ ଦୁଇଟିର କି ଅବସ୍ଥା ହେଲାଣି ସେକଥା କେହି ବି ଚିନ୍ତା କରୁନଥିଲେ।
ଶଗଡ଼ ଉପରେ ସବାର ହୋଇଥିଲେ ପଣେ ନେତା ଓ କର୍ମୀ । ଶେଷରେ ସେୟା ହିଁ ହେଲା ଯାହା ହେବାର କଥା। କୁହାଯାଏ କିଛି ଯେତେବେଳେ ଅତ୍ୟଧିକ ହୋଇଯାଏ ସେତେବେଳେ ତୁରନ୍ତ ପ୍ରତିକ୍ରିୟା ଭଗବାନ ପ୍ରକାଶ କରନ୍ତି। ସୟା ହିଁ ହେଲା ଶଗଡ଼ ଭାଙ୍ଗିପଡ଼ିଲା ଓ ନେତାଏ ଭୁଶୁଡ଼ି ପଡ଼ିଲେ ତଳେ। ଏବେ ଏଏନଆଇ ସୌଜନ୍ୟରୁ ଏହି ଭିଜୁଆଲଟି ଦେଖନ୍ତୁ।
#WATCH | Maharashtra: A bullock cart, on which Congress workers and leaders were protesting in Mumbai today, collapses. They were protesting against the fuel price hike. pic.twitter.com/INqHWpNi7C
— ANI (@ANI) July 10, 2021
ଏବେ ଆପଣ ଜାଣିପାରୁଥିବେ ବଳଦ ଦୁଇଙ୍କର ଅବସ୍ଥା କଣ ହୋଇଥିଲା, ଆଉ ନେତାଙ୍କୁ ଶିକ୍ଷା କେମିତି ମିଳିଲା। ଏବେ ପେଟ୍ରୋଲ ଡିଜେଲ ଦର ବୃଦ୍ଧି ଯେମିତି ହେଉଛି ତାହା ଧିରେ ଧିରେ କ୍ରୋଧରେ ପରିଣତ ହେଲାଣି । ଅପେକ୍ଷା ଭଗବାନ କେତେବେଳେ ପ୍ରତିକ୍ରିୟା ପ୍ରକାଶ କରିବେ।
ଲେଖାଟି ଆପଣଙ୍କୁ ଭଲ ଲାଗିଥିଲେ ନିଶ୍ଚୟ ନିଜର କମେଣ୍ଟ ଲେଖନ୍ତୁ କିମ୍ବା ସେୟାର ଓ ଲାଇକ କରନ୍ତୁ।
